შპს „ბაია ფუდის“ ვებგვერდით სარგებლობის წესები და პირობები

1. ზოგადი დებულებები

წინამდებარე დოკუმენტი განსაზღვრავს შპს „ბაია ფუდის“ ვებგვერდით (baiafood.ge) სარგებლობის წესებსა და პირობებს.

ვებგვერდზე რეგისტრაციისა და შეკვეთის განხორციელებისას მომხმარებელი ადასტურებს, რომ გაეცნო და ეთანხმება წინამდებარე წესებსა და პირობებს, ასევე კონფიდენციალურობის პოლიტიკას.

თუ მომხმარებელი არ ეთანხმება აღნიშნულ პირობებს, მას არ უნდა გამოიყენოს ვებგვერდი.

2. რეგისტრაცია

ვებგვერდზე პროდუქციის შეძენა შესაძლებელია მხოლოდ რეგისტრაციის შემდეგ.

რეგისტრაციისთვის მომხმარებელი ვალდებულია მიუთითოს:

• სახელი და გვარი;

• მობილური ტელეფონის ნომერი;

• ელექტრონული ფოსტის მისამართი;

• მიწოდების მისამართი;

• პირადი ნომერი;

• პაროლი.

მომხმარებელი პასუხისმგებელია მის მიერ მოწოდებული ინფორმაციის სიზუსტესა და სრულყოფილებაზე.

3. შეკვეთა და ანგარიშსწორება

შეკვეთის გაფორმების შემდეგ მომხმარებელი გადამისამართდება უსაფრთხო საგადახდო სისტემაში, სადაც განხორციელდება ონლაინ ანგარიშსწორება.

გადახდები მუშავდება საქართველოს ბანკის საგადახდო სისტემის მეშვეობით.

შპს „ბაია ფუდს“ არ აქვს წვდომა მომხმარებლის საბანკო ბარათის მონაცემებზე.

შეკვეთა ჩაითვლება დადასტურებულად მხოლოდ წარმატებული გადახდის შემდეგ.

4. მიწოდების პირობები

მიწოდების ტარიფები

• თბილისში და მის შემოგარენში – 7 ლარი;

• რუსთავი, ზემო და ქვემო ფონიჭალა – 8 ლარი;

• თხინვალა, სოფელი ლისი, ნაფეტვრები, შინდისი, ტაბახმელა – 10 ლარი;

• წინუბანი, წავკისი, კოჯორი, ნასაგური – 12 ლარი;

• რეგიონები (ცენტრალური ქალაქები) – 8 ლარი;

• რეგიონები (დაბები და შემოგარენი) – 10 ლარი;

• მაღალმთიანი სოფლები – 12 ლარი.

უფასო მიწოდება

• თბილისსა და რუსთავში 50 ლარის ან მეტი ღირებულების შეკვეთაზე მიწოდება უფასოა;

• რეგიონებში 80 ლარის ან მეტი ღირებულების შეკვეთაზე მიწოდება უფასოა.

თუ შეკვეთის ღირებულება აღნიშნულ ზღვარზე ნაკლებია, მიწოდების საფასური დაემატება შეკვეთას შესაბამისი ტარიფის მიხედვით.

მიწოდების ვადები

• თბილისსა და რუსთავში წინა დღეს განთავსებული შეკვეთები ჩაბარდება მომდევნო დღის ბოლომდე;

• რეგიონებში ამანათები იგზავნება სამშაბათს, ხუთშაბათს და შაბათს;

• რეგიონებში მიწოდება ხორციელდება გაგზავნიდან მაქსიმუმ 3 სამუშაო დღეში;

• კვირა დღეს ამანათების ჩაბარება არ ხდება.

5. პროდუქციის დაბრუნება და გადაცვლა

პროდუქციის დაბრუნება ან გადაცვლა შესაძლებელია მხოლოდ შემდეგ შემთხვევებში:

• აღმოჩენილია ქარხნული წუნი;

• მიწოდებული პროდუქტი არ შეესაბამება მომხმარებლის მიერ შეკვეთილ პროდუქტს.

შპს „ბაია ფუდი“ იღებს ვალდებულებას სრულად აანაზღაუროს გადახდილი თანხა, თუ:

• პროდუქტის სასაქონლო სახე შენარჩუნებულია;

• პროდუქტს ახლავს ყველა დამატებითი ნაწილი და შეფუთვა, რომელიც მომხმარებელმა მიიღო შეძენის დროს.

სხვა შემთხვევაში პროდუქციის დაბრუნება ან გადაცვლა არ ხდება.

საკვები პროდუქტების სპეციფიკიდან გამომდინარე, გახსნილი, გამოყენებული ან მომხმარებლის მიერ დაზიანებული პროდუქცია დაბრუნებას არ ექვემდებარება, გარდა კანონით გათვალისწინებული შემთხვევებისა.

6. მომხმარებლის ვალდებულებები

მომხმარებელი ვალდებულია:

• მიაწოდოს ზუსტი და სრული ინფორმაცია;

• არ გამოიყენოს სხვისი პერსონალური მონაცემები;

• არ დაარღვიოს ვებგვერდის უსაფრთხოება;

• არ გამოიყენოს ვებგვერდი უკანონო მიზნებისთვის;

• არ დაარღვიოს ინტელექტუალური საკუთრების უფლებები.

7. ინტელექტუალური საკუთრება

ვებგვერდზე განთავსებული ყველა ტექსტი, დიზაინი, ლოგო, გრაფიკული ელემენტი, ფოტო და სხვა მასალა წარმოადგენს შპს „ბაია ფუდის“ საკუთრებას და დაცულია საქართველოს კანონმდებლობით.

ნებისმიერი მასალის გამოყენება კომპანიის წინასწარი წერილობითი თანხმობის გარეშე აკრძალულია.

8. პასუხისმგებლობის შეზღუდვა

კომპანია არ აგებს პასუხს:

• მომხმარებლის მიერ არასწორად მითითებული ინფორმაციის შედეგად წარმოშობილ ზიანზე;

• მესამე პირების ქმედებებზე;

• ინტერნეტის, ბანკის, საკურიერო ან სხვა გარე სერვისების შეფერხებით გამოწვეულ დაგვიანებაზე;

• ფორსმაჟორულ გარემოებებზე.

9. მარკეტინგი

რეგისტრაციისას მომხმარებელი თანხმობას აცხადებს მიიღოს:

• SMS შეტყობინებები;

• ელფოსტით სიახლეები;

• სპეციალური შეთავაზებები;

• ფასდაკლებებისა და აქციების შესახებ ინფორმაცია.

მომხმარებელს ნებისმიერ დროს შეუძლია უარი თქვას მარკეტინგული ინფორმაციის მიღებაზე.

10. მოქმედი კანონმდებლობა

წინამდებარე წესები და პირობები რეგულირდება საქართველოს კანონმდებლობით.

მხარეები შეეცდებიან დავა მოაგვარონ მოლაპარაკების გზით. შეთანხმების მიუღწევლობის შემთხვევაში დავა განიხილება საქართველოს კომპეტენტური სასამართლოს მიერ.

11. ცვლილებები

შპს „ბაია ფუდი“ უფლებამოსილია ნებისმიერ დროს შეიტანოს ცვლილებები წინამდებარე წესებსა და პირობებში.

განახლებული ვერსია გამოქვეყნდება ვებგვერდზე და ძალაში შევა გამოქვეყნების მომენტიდან.